ವಜ್ರ ಸೇವೆಗಳು ಬೆಂ.ಮ.ಸಾ.ಸಂಸ್ಥೆಯ ಪ್ರೀಮಿಯಂ ಸೇವೆಗಳಾಗಿದ್ದು, ಉತ್ತಮ ಆರಾಮದಾಯಕ ಸೌಲಭ್ಯಗಳೊಂದಿಗೆ ಜನರನ್ನು ವೈಯಕ್ತಿಕ ಸಾರಿಗೆಯಿಂದ ಸಾರ್ವಜನಿಕ ಸಾರಿಗೆಯತ್ತ ಆಕರ್ಷಿಸುವುದು ಈ ಸೇವೆಯ ಪ್ರಮುಖ ಉದ್ದೇಶವಾಗಿದೆ. ಈ ಸೇವೆಗಳನ್ನು ಹವಾ ನಿಯಂತ್ರಿತ, ಯೂರೋ-೩ ಮಾದರಿಯ ಹಾಗೂ ಬಸ್ಸಿನ ಕವಚವು ಅವಶ್ಯಕತೆಗೆ ತಕ್ಕಂತೆ ಕೆಳಕ್ಕಿಳಿಯುವ ಹಾಗೂ ಮೇಲಕ್ಕೆ ಏರುವ ಯಾಂತ್ರಿಕತೆಯುಳ್ಳ ವೋಲ್ವೋ ಬಸ್ಸುಗಳನ್ನು ಆಚರಣೆ ಮಾಡಲಾಗುತ್ತಿದ್ದು, ವಿಕಲ ಚೇತನರಿಗಾಗಿ ವ್ಹೀಲ್ ಚೇರ್ ಸೌಲಭ್ಯವನ್ನು ಒದಗಿಸಲಾಗಿದೆ. ಮೊದಲಿಗೆ ಈ ಸೇವೆಗಳನ್ನು ಹೆಚ್ಚು ಜನಸಂದಣಿಯುಳ್ಳ ಮಾಹಿತಿ ತಂತ್ರಜ್ಞಾನ ವಲಯಗಳಲ್ಲಿ ಆಚರಣೆಗೊಳಿಸಲಾಯಿತು. ಈ ಸೇವೆಗಳನ್ನು ನಗರದ ಇತರೆ ವಿವಿಧ ಭಾಗಗಳಲ್ಲಿಯೂ ವಿಸ್ತರಿಸಿ ಹೆಚ್ಚು ಜನಪ್ರಿಯಗೊಳಿಸುವ ಸಲುವಾಗಿ ಮಾಹಿತಿ ತಂತ್ರಜ್ಞಾನೇತರ ಪ್ರದೇಶಗಳಲ್ಲಿ ಆಕರ್ಷಕ ಪ್ರಯಾಣದರಗಳೊಂದಿಗೆ ಆಚರಣೆಗೊಳಿಸಲಾಗುತ್ತಿದೆ. ಪ್ರಸ್ತುತ ಈ ಸೇವೆಗಳು 47 ಮಾರ್ಗಗಳಲ್ಲಿ 263 ವಾಹನಗಳೊಂದಿಗೆ ಆಚರಣೆಯಾಗುತ್ತಿವೆ.