ಕಾರ್ಯಸೂಚಿ 

ಬೆಮಸಾಸಂಸ್ಥೆಯು ಬೆಂಗಳೂರಿನ ಜನತೆಗೆ ಮಿತವ್ಯಯ ಮತ್ತು ಪರಿಸರ ಸ್ನೇಹಿ, ಸುರಕ್ಷಿತ ಮತ್ತು ಸುಸ್ಥಿರ ಸಾರಿಗೆ ಸೇವೆ ನೀಡುವುದಕ್ಕೆ ಬದ್ಧವಾಗಿದ್ದು, ಯೋಜನೆಗಳನ್ನು ರೂಪಿಸಿಕೊಂಡು, ಈ ಕೆಳಕಂಡ ರಂಗಗಳಲ್ಲಿ ನಿರ್ವಹಣಾ ಸಾಧನೆಯನ್ನು ನಿರಂತರವಾಗಿ ಉತ್ತಮಪಡಿಸಿಕೊಳ್ಳುವುದು.

• ತಾಂತ್ರಿಕ ಮತ್ತು ಕಾರ್ಯಾಚರಣೆ ರಂಗಗಳಲ್ಲಿ ನಿರಂತರ ಅಭಿವೃದ್ಧಿ
• ಸಾರಿಗೆ ಸೇವೆಗಳಲ್ಲಿ ದಕ್ಷತೆಯನ್ನು ಸಾಧಿಸುವುದಕ್ಕಾಗಿ, ಸಾರಿಗೆ ಕ್ಷೇತ್ರದಲ್ಲಿ ನವೀನ ನಿರ್ವಹಣಾ ನೀತಿಗಳನ್ನು ಅಭಿವೃದ್ಧಿಪಡಿಸಿ, ಪ್ರಯೋಗಕ್ಕೆ ಒಳಪಡಿಸಿ ಅವುಗಳನ್ನು ಅನುಷ್ಠಾನಗೊಳಿಸುವುದು.
• ಸಿಬ್ಬಂದಿ ವರ್ಗದಲ್ಲಿ ಕೌಶಲ್ಯ ಹೆಚ್ಚಳ ಮತ್ತು ಗ್ರಾಹಕ ನಿರ್ವಹಣೆ ಸ್ವಭಾವಗಳಲ್ಲಿ ಸಕಾರಾತ್ಮಕ ಬದಲಾವಣೆ ತರುವುದು
• ಸಾರ್ವಜನಿಕರ ಸಲಹೆಗಳ ಆಧಾರದ ಮೇಲೆ ಸಂಸ್ಥೆಯ ಬಸ್ಸುಗಳ ಆಚರಣೆಯನ್ನು ಉತ್ತಮ ಪಡಿಸುವುದು. 
  

ಕೆಳಗೆ ತಿಳಿಸಿರುವ ಸೇವೆಗಳನ್ನು ಕೈಗೊಳ್ಳುವ ಮೂಲಕ ಸಂಸ್ಥೆಯು ತನ್ನ ಸಾಮಾಜಿಕ ಹೊಣೆಗಾರಿಕೆಯನ್ನು ನಿರ್ವಹಿಸುತ್ತಿದೆ :

1. ನಗರದ ಸುತ್ತಮುತ್ತಲಿನ ಹೊರವಲಯ ಪ್ರದೇಶಗಳನ್ನು ಕೆಂಪು ಫಲಕದ ಬಸ್ಸುಗಳ ವ್ಯವಸ್ಥಿತ ಆಚರಣೆಯ ಮೂಲಕ ಸಂಪರ್ಕ ಕಲ್ಪಿಸುತ್ತಿದೆ.
2. ನಗರದ ಎಲ್ಲಾ ಪ್ರಮುಖ ಜನನಿಬಿಡ ಸ್ಥಳಗಳಿಗೆ ಕಪ್ಪು ಹಲಗೆ ಬಸ್ಸುಗಳ ಸಂಚಾರವನ್ನು ಒದಗಿಸುತ್ತಿದ್ದೇವೆ.
3. ಕನಿಷ್ಟ ನಿಲುಗಡೆಯುಳ್ಳ ಬಸ್ಸುಗಳನ್ನು ಆಚರಣೆ ಮಾಡುವ ಮೂಲಕ ಪ್ರಯಾಣಿಕರ ಅಮೂಲ್ಯವಾದ ಸಮಯವನ್ನು ಉಳಿಸುತ್ತಿದ್ದೇವೆ.
4. ಸುಖಾಸೀನ ಹಾಗೂ ವೇಗವಾಗಿ ಚಲಿಸುವ ಪುಷ್ಪಕ್ ಬಸ್ಸುಗಳನ್ನು ಒದಗಿಸುತ್ತಿದ್ದೇವೆ.
5. ಹಲವಾರು ಉದ್ದಿಮೆಗಳು, ಶಾಲೆಗಳು ಮತ್ತು ಕಾಲೇಜುಗಳಿಗೆ ಗುತ್ತಿಗೆ ಆಧಾರದ ಮೇಲೆ ವಾಹನಗಳ ಸೇವೆಯನ್ನು ಒದಗಿಸುತ್ತಿದ್ದೇವೆ.
6. ಸಮಾಜದ ವಿವಿಧ ವರ್ಗದ ಜನತೆಗೆ ರಿಯಾಯಿತಿ ದರದಲ್ಲಿ ಸಾರಿಗೆ ಸೇವೆಯನ್ನು ನೀಡುತ್ತಿದ್ದೇವೆ.
7. ಮಾಸಿಕ ಸಾಪ್ತಾಹಿಕ ಮತ್ತು ದೈನಿಕ ಪಾಸು ವ್ಯವಸ್ಥೆಯನ್ನು ಜಾರಿಗೆ ತಂದಿದ್ದೇವೆ.
8. ಪರಿಸರ ಸ್ನೇಹಿಯಾದ ಪರಿಸರ ವಾಹಿನಿ ವಾಹನಗಳನ್ನು ಪರಿಚಯಿಸಿದ್ದೇವೆ.
9. ಅಧಿಕ ಪ್ರಯಾಣಿಕರು ಪ್ರಯಾಣಿಸಲು ಅನುಕೂಲವಾಗುವಂತಹ ಜಂಟಿ ವಾಹನ (ವೆಸ್ಟಿಬುಲ್ ವಾಹನ) ಗಳನ್ನು ಆಚರಣೆ ಮಾಡುತ್ತಿದ್ದೇವೆ.
10. ನಗರ ಹೊರವಲಯದ ದೂರ ಸ್ಥಳಗಳಿಗೆ ಮಿನಿ ವಾಹನಗಳ ಸಂಚಾರವನ್ನು ಒದಗಿಸಲಾಗಿದೆ.
11. ಸಾರಿಗೆ ವ್ಯವಸ್ಥೆಯನ್ನು ಅಭಿವೃದ್ದಿ ಪಡಿಸಲು ವೋಲ್ವೊ ವಾಹನಗಳನ್ನು ಆಚರಣೆ ಮಾಡಲಾಗುತ್ತಿದೆ.
12. ಬೆಂಗಳೂರು ಅಂತರ್ರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ವಾಯು ವಜ್ರ ಬಸ್ಸುಗಳನ್ನು ಆಚರಣೆ ಮಾಡಲಾಗುತ್ತಿದೆ.
13. ನಗರ ವೀಕ್ಷಣೆಗಾಗಿ ಕ್ಯೂರಿಟಿಬಾ ಮಾದರಿ ವಾಹನವನ್ನು ಒದಗಿಸಲಾಗಿದೆ.