ಟಿಪ್ಪಣಿ: ಘಟಕ ಸಂಖ್ಯೆ 1, 5, 20 ನ್ನು ಸ್ಥಗಿತಗೊಳಿಸಿದ್ದು, ಈ ಸ್ಥಳಗಳಲ್ಲಿ ಸಂಚಾರ ಮತ್ತು ಸಾಗಣೆ ನಿರ್ವಹಣಾ ಕೇಂದ್ರಗಳನ್ನು ನಿರ್ಮಿಸಲಾಗುತ್ತಿದೆ.

ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆಯ ಆಡಳಿತ ಮಾಹಿತಿ ವ್ಯವಸ್ಥೆಯು ಸಂಸ್ಥೆಯ ಸಂಪೂರ್ಣ ಅಂಕಿಸಂಖ್ಯೆ ಕೇಂದ್ರವಾಗಿದೆ. ಈ ಶಾಖೆಯು ಸಂಸ್ಥೆಯ ಎಲ್ಲಾ ಆಚರಣಾ ಅಂಕಿಅಂಶಗಳನ್ನು ತಯಾರಿಸಿ, ಕ್ರೋಡಿಕರಿಸಿ ದಾಖಲೆಗಳನ್ನು ಸಿದ್ದಪಡಿಸುತ್ತದೆ.ಆಡಳಿತ ಮಾಹಿತಿ ವ್ಯವಸ್ಥಾ ಶಾಖೆಯು ಎರಡು ಉಪ-ವಿಭಾಗಗಳನ್ನು ಹೊಂದಿದೆ. ಮೊದಲಿಗೆ, ಅಂಕಿಅಂಶಗಳ ವಿಭಾಗವು ಅಂಕಿಅಂಶದ ವರದಿಗಳನ್ನು ತಯಾರಿಸುವ ಕುರಿತಾದರೆ, ಗಣಕಯಂತ್ರಾ ವ್ಯವಸ್ಥಾ ವಿಭಾಗವು ಸಂಸ್ಥೆಯ ಎಲ್ಲಾ ಚಟುವಟಿಕೆಗಳನ್ನು ಗಣಕೀಕರಣಗೊಳಿಸುವುದಾಗಿದೆ.

ಭದ್ರತಾ ಮತ್ತು ಜಾಗೃತಿ ಶಾಖೆಯು ಪೋಲಿಸ್ ಇಲಾಖೆಯ ಉಪ ಪೋಲಿಸ್ ಆಯುಕ್ತ (ಡಿ.ಐ.ಜಿ.) ದರ್ಜೆಯ ಸಂಸ್ಥೆಯ ನಿರ್ದೇಶಕರು (ಭದ್ರತಾ, ಜಾಗೃತಾ ಮತ್ತು ಪರಿಸರ), ಇವರ ನೇರ ನಿಯಂತ್ರಣದಲ್ಲಿ ಕಾರ್ಯನಿರ್ವಹಿಸುತ್ತದೆ. ಈ ಶಾಖೆಯು ಸಂಸ್ಥೆಯ ಕಣ್ಣು ಮತ್ತು ಕಿವಿಗಳಂತೆ ಅತ್ಯಂತ ಜಾಗೂರೂಕತೆಯಿಂದ ಕೆಲಸ ಮಾಡುತ್ತದೆ. ಉಳಿದಂತೆ, ಸಂಸ್ಥೆಯ ಆಸ್ತಿ ಮತ್ತು ಸಂಸ್ಥೆಗೆ ಹೊರಗಿನವರಿಂದರಾಗಲಿ ಮತ್ತು ಸಂಸ್ಥೆಯ ಸಿಬ್ಬಂದಿಯವರಿಂದಾಗಲಿ ನಿಯಮ ಉಲ್ಲಂಘನೆ, ಕಳವು ಪ್ರಕರಣಗಳು, ಹಣದುರುಪಯೋಗ, ಬೆಂಕಿಅನಾಹುತದಂತಹ ಆಕಸ್ಮಿಕ ಘಟನೆಗಳಂತಹುಗಳಿಗೆ ಜೀವ ಸಂರಕ್ಷಣೆಯ ಭರವಸೆ ನೀಡುವಂತಹ ಇಲಾಖಾ ಕ್ರಮ ತೆಗೆದುಕೊಳ್ಳುವುದು ಶಾಖೆಯ ಮುಖ್ಯ ಕೆಲಸವಾಗಿರುತ್ತದೆ.

• ಸಂಸ್ಥೆಯು 34 ಘಟಕ ಹಾಗೂ 2 ಕೇಂದ್ರೀಯ ಕಾರ್ಯಾಗಾರಗಳಿಂದ ವಿವಿಧ ಮಾದರಿಯ ವಾಹನಗಳನ್ನು ಕಾರ್ಯಾಚರಣೆ ಮಾಡುತ್ತಿರುತ್ತದೆ.
• ತಾಂತ್ರಿಕ ಇಲಾಖೆಯು ಸಂಸ್ಥೆಯ ಬೆನ್ನೆಲುಬಾಗಿರುತ್ತದೆ.
• ಹೊಸ ಅನುಸೂಚಿಗಳ ಕಾರ್ಯಾಚರಣೆಗೆ ಹಾಗೂ ಹಳೆಯ ವಾಹನಗಳನ್ನು ಬದಲಾಯಿಸಲು ಬೇಕಾಗುವ
• ವಾಹನಗಳನ್ನು ಉತ್ಪಾದಿಸುವಲ್ಲಿ ತಾಂತ್ರಿಕ ಇಲಾಖೆಯು ಪ್ರಮುಖ ಪಾತ್ರ ವಹಿಸುತ್ತದೆ.
• ಸಂಸ್ಥೆಯು ವಿಶ್ವದರ್ಜೆಯ ಅಂತರಾಷ್ಟ್ರೀಯ ಮಟ್ಟದ ಲೋಪ್ಲೋರ್, ಲೋಎಂಟ್ರಿ, ಏರ್‌ಸಸ್ಪೆಷನ್ ಹಾಗೂ ನೀಲಿಂಗ್ ಮೆಕ್ಯಾನಿಸಂ ಹೊಂದಿರುವ ಹವಾನಿಯಂತ್ರಿತ ವೋಲ್ವೋ ವಾಹನಗಳನ್ನು ಕಾರ್ಯಾಚರಣೆ ಮಾಡುತ್ತಿರುತ್ತದೆ.
• ಪ್ರಯಾಣಿಕರ ಸುರಕ್ಷತೆಯ ಹಿತದೃಷ್ಟಿಯಿಂದ ಹಾಗೂ ಬಾಗಿಲಿನ ಬಳಿ ಪ್ರಯಾಣಿಕರ ಗುಂಪುಗೂಡುವಿಕೆ ಹಾಗೂ ಕಿಸೆಗಳ್ಳತನ ಚಟುವಟಿಕೆಗಳನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಗಾಳಿಯ ಒತ್ತಡದಿಂದ ಕಾರ್ಯಾಚರಣೆಯಾಗುವ ಹಾಗೂ ಚಾಲಕನ ಅಧೀನದಲ್ಲಿ ಕಾರ್ಯನಿರ್ವಹಿಸುವ ಸ್ವಯಂ ಚಾಲಿತ ಬಾಗಿಲುಗಳ ವ್ಯವಸ್ಥೆ ಮಾಡಲಾಗಿರುತ್ತದೆ.
• ಮಾರ್ಗಸೂಚಿ ನಾಮಫಲಕಗಳು ಪ್ರಯಾಣಿಕರಿಗೆ ಸುಲಭವಾಗಿ ಗೋಚರಿಸುವ ನಿಟ್ಟಿನಲ್ಲಿ ಸಂಸ್ಥೆಯು ಎಲ್.ಇ.ಡಿ (ಲೈಟ್ ಎಮಿಟಿಂಗ್ ಡಯೋಡ್) ನಾಮಫಲಕಗಳನ್ನು ವಾಹನಗಳಿಗೆ ಅಳವಡಿಸಲಾಗಿರುತ್ತದೆ.
• ಬೆಂಗಳೂರು ನಗರದಲ್ಲಿ ವಾಹನಗಳಿಂದ ಉಂಟಾಗುವ ವಾಯು ಮಾಲಿನ್ಯವನ್ನು ನಿಯಂತ್ರಿಸುವ ನಿಟ್ಟಿನಲ್ಲಿ ಸಂಸ್ಥೆಯು ತನ್ನ ವಾಹನ ಬಲವನ್ನು ಕೇಂದ್ರ ಸರ್ಕಾರವು ನಿಗದಿಪಡಿಸಿರುವ ಬಿ.ಎಸ್ ದರ್ಜೆಗೆ ಉನ್ನತೀಕರಿಸಲಾಗುತ್ತಿದೆ. ಅದರಂತೆ ದಿನಾಂಕ 11/04/2005 ರಿಂದ ಬಿ.ಎಸ್-3 ಮಾದರಿಯ ವಾಹನಗಳನ್ನು ಮಾತ್ರ ಖರಿದಿಸುತ್ತಿರುತ್ತದೆ.
• ಸಂಸ್ಥೆಯು ತನ್ನ ವಾಹನಗಳನ್ನು ಪ್ರತಿ ತಿಂಗಳು ಹೊಗೆ ತಪಾಸಣೆಗೆ ಒಳಪಡಿಸಿ ಹೊಗೆ ಹೊರಸೂಸುವ ಪ್ರಮಾಣವು ನಿಗದಿತ ಮಟ್ಟಕ್ಕೆ ಇರುವುದೆಂದು ಖಾತರಿಪಡಿಸಿಕೊಂಡು ವಾಹನಗಳನ್ನು ಕಾರ್ಯಾಚರಣೆ ಮಾಡಲಾಗುತ್ತಿರುತ್ತದೆ. ಸದರಿ ಕಾರ್ಯವು ವ್ಯವಸ್ಥಿತವಾಗಿ ನಿರ್ವಹಣೆಯಾಗಲು ಪ್ರತಿ ಘಟಕಕ್ಕೆ ಗಣಕಿಕೃತ ಹೊಗೆ ತಪಾಸಣಾ ಯಂತ್ರಗಳನ್ನು ಒದಗಿಸಲಾಗಿರುತ್ತದೆ.
• ವಾಹನಗಳನ್ನು ತಾಂತ್ರಿಕವಾಗಿ ಸುಸ್ಥಿಯಲ್ಲಿರಿಸಿ ಕಾರ್ಯಾಚರಣೆ ಮಾಡಲು ಕೆಳಕಂಡ ಮುನ್ನೆಚ್ಚರಿಕಾ ನಿರ್ವಹಣಾ ಕಾರ್ಯಗಳನ್ನು ಅಳವಡಿಸಿಕೊಂಡಿರುತ್ತದೆ.
  • ದೈನಂದಿನ ನಿರ್ವಹಣೆ (ಪ್ರತಿ ದಿನ)
  • ದಿನ ಬಿಟ್ಟು ದಿನದ ನಿರ್ವಹಣೆ (2 ದಿನಗಳಿಗೊಮ್ಮೆ)
  • ಹತ್ತು ದಿನದ ನಿರ್ವಹಣೆ (ಪ್ರತಿ ಹತ್ತು ದಿನಗಳಿಗೆ)
  • ಡಾಕಿಂಗ್-1 (ಪ್ರತಿ 20 ಸಾವಿರ ಕಿ.ಮೀಗಳ ಕಾರ್ಯಾಚರಣೆಯ ನಂತರ)
  • ಡಾಕಿಂಗ್-2 (ಪ್ರತಿ 40 ಸಾವಿರ ಕಿ.ಮೀಗಳ ಕಾರ್ಯಾಚರಣೆಯ ನಂತರ)
  • ಡಾಕಿಂಗ್-3 (ಪ್ರತಿ 60 ಸಾವಿರ ಕಿ.ಮೀಗಳ ಕಾರ್ಯಾಚರಣೆಯ ನಂತರ)
  • ಡಾಕಿಂಗ್-4 (ಪ್ರತಿ 80 ಸಾವಿರ ಕಿ.ಮೀಗಳ ಕಾರ್ಯಾಚರಣೆಯ ನಂತರ)
• ಸಂಸ್ಥೆಯು ನಾಲ್ಕು ಸಂಚಾರಿ ದುರಸ್ಥಿ ಕಾರ್ಯಾಗಾರ(ಮೊಬೈಲ್ ವರ್ಕ್ ಶಾಫ್)ಗಳನ್ನು ಹೊಂದಿದ್ದು ಅವುಗಳು ವಾಹನಗಳ ಅವಘಡದ ವಿಷಯ ತಿಳಿದ ಕೂಡಲೇ ಕಾರ್ಯೋನ್ಮುಖವಾಗಿ ದುರಸ್ಥಿ ಕಾರ್ಯವನ್ನು ನಿರ್ವಹಿಸುತ್ತಿರುತ್ತವೆ.